గోపీచంద్‌ కథానాయకుడిగా నటించిన చిత్రం 'ఆక్సిజన్‌'. రాశీ ఖన్నా, అను ఇమ్మాన్యుయేల్‌ కథానాయికలు. ఎ.ఎం.జ్యోతికృష్ణ దర్శకత్వం వహిస్తున్నారు. ఎస్‌.ఐశ్వర్య నిర్మిస్తున్నారు. అక్టోబరు 27న చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. నిర్మాత మాట్లాడుతూ ''గోపీచంద్‌ కెరీర్‌లోనే ఓ ప్రత్యేకమైన చిత్రమిది. అత్యున్నత సాంకేతిక విలువలతో రూపొందించాం. ముంబై, గోవా, సిక్కిం, చెన్నై తదితర ప్రాంతాల్లో రాజీ పడకుండా చిత్రీకరణ జరిపాం. గోపీచంద్‌ ఒక తపనతో పనిచేశారు. జగపతిబాబు పాత్ర కీలకం. యువన్‌ శంకర్‌ రాజా సంగీత సారథ్యంలో సిద్ధం చేసిన పాటల్ని అక్టోబరు మొదటివారంలో విడుదల చేస్తాం'' అన్నారు. కిక్‌శ్యామ్‌, అలీ, చంద్రమోహన్‌, నాగినీడు, బ్రహ్మాజీ, అభిమన్యుసింగ్‌, అమిత్‌, ప్రభాకర్‌, సాయాజీషిండే, ఆశిష్‌ విద్యార్థి, వెన్నెల కిషోర్‌ తదితరులు నటించిన ఈ చిత్రానికి పోరాటాలు: పీటర్‌హెయిన్స్‌, స్టంట్‌ సిల్వ.