భారతీయుడొకరు, మద్యం మత్తులో క్లీనర్‌పై లైంగిక దాడికి పాల్పడిన ఘటన నేపథ్యంలో సదరు వ్యక్తిని న్యాయస్థానం ముందు హాజరు పరిచారు. వివరాల్లోకి వెళితే, ఇంటిని క్లీన్‌ చేసేందుకోసం మూడు గంటల పని నిమిత్తం ఓ మెయిడ్‌ని పిలిపించుకున్నాడు నిందితుడు. జులై 24న ఉదయం 8.30 నిమిషాల సమయంలో ఇంటిని క్లీన్‌ చేసే పని నిమిత్తం, నిందితుడికి ఇంటికి వెళ్ళినట్లు బాధితురాలు పేర్కొన్నారు. పనిచేస్తున్న సమయంలో, పని ఆపేసి తనతో ఉండాల్సిందిగా నిందితుడు ఒత్తిడి తీసుకొచ్చాడనీ, ఈ క్రమంలో సెక్సువల్‌గా తనను వేధింపులకు గురిచేశాడని బాధితురాలు విచారణలో పోలీసులకు వివరించారు. నిందితుడి నుంచి ఎలాగోలా తప్పించుకున్న బాధితురాలు పోలీసుల్ని ఆశ్రయించారు. నిందితుడు మద్యం మత్తులో ఉన్నట్లు గుర్తించామని, వివరాలు సేకరించాక నిందితుడ్ని కోర్టులో ప్రవేశపెట్టామని పోలీసులు తెలిపారు. ఫిర్యాదు అందుకున్న రోజునే జబెల్‌ అలి పోలీసులు నిందితుడ్ని అరెస్ట్‌ చేశారు.