దుబాయ్‌: దుబాయ్‌ మెరీనాలో ఓ బస్సు అగ్ని ప్రమాదానికి గురవడంతో ఆ మార్గం వైపుగా వెళ్ళిన కమ్యూటర్స్‌ ఒక్కసారిగా షాక్‌కి గురయ్యారు. ఈ ఘటననలు పలువురు మొబైల్‌ ఫోన్లలో చిత్రీకరించారు. ఫొటోలు, వీడియోల్ని అనంతరం వారు సోషల్‌ మీడియాలో పోస్ట్‌ చేశారు. ప్రత్యక్ష సాక్షి కథనం ప్రకారం ఉదయం 7.20 నిమిషాల సమయంలో లా రివేరా టవర్‌ దగ్గర ఈ ప్రమాదం చోటు చేసుకుంది. అలాంగ్‌ మెర్సా స్ట్రీట్‌ - దుబాయ్‌ మెరీనాలో ఈ అగ్ని ప్రమాదం జరిగింది. అగ్ని ప్రమాద సమాచారం అందుకోగానే దుబాయ్‌ సివిల్‌ డిఫెన్స్‌ టీమ్‌ రంగంలోకి దిగి, మంటల్ని ఆర్పివేసింది. ఈ ఘటన కారణంగా ఆ మార్గంలో ట్రాఫిక్‌ ఇబ్బందులు తలెత్తినట్లు దుబాయ్‌ పోలీసులు తెలిపారు