కువైట్‌ జైళ్లలో ఉరిశిక్ష ఎదుర్కొంటున్న 15 మంది భారతీయుల శిక్షను కువైట్‌ రాజు రద్దు చేశారు. వారి శిక్షను జీవిత ఖైదుగా మార్చారు. ఈ విషయాన్ని కేంద్ర విదేశీ వ్యవహారాల శాఖ మంత్రి సుష్మాస్వరాజ్‌ వెల్లడించారు. దీంతో పాటు జైళ్లలో మగ్గుతున్న మరో 119 మంది భారతీయుల శిక్షను తగ్గింపునకు రాజు ఆదేశించారని తెలిపారు. ఈ మేరకు ఈ విషయాన్ని ట్విటర్‌ ద్వారా వెల్లడించారు.
భారత ఖైదీల శిక్ష తగ్గింపు పట్ల సుష్మాస్వరాజ్‌ సంతోషం వ్యక్తంచేశారు. దీనిపై కువైట్‌ రాజుకు ధన్యవాదాలు తెలిపారు. అక్కడి జైళ్ల నుంచి విడుదల కాబోయే వారికి అక్కడి భారత రాయభార కార్యాలయం సహకారం అందిస్తుందని తెలిపారు.