కువైట్ : బతుకు తెరువు కోసం ఎడారి దేశాలకు వెళ్ళిన కొందరు ప్రవాస మహిళల జీవితాలు ఎంతో దుర్భరంగా మారుతున్నాయి. ఇథియోపియన్ దేశానికి చెందిన ఒక మహిళ గురువారం మధ్యాహ్నం స్థానిక జెలీబ్ అల్-షుయౌఖ్ వీధిలో వంటి మీద నూలు పోగు లేకుండా నగ్నంగా పరుగులు పెట్టింది. ఆమెను అదుపులోనికి తీసుకొన్న అధికారులు ఆమె మానసిక పరిస్థితిని అంచనా వేయడానికి మానసిక చికిత్స చేసే ఆసుపత్రికి తరలించారు. అనంతరం పరిశోధకులు ఆమెని  ప్రశ్నించి విషయం రాబట్టేరు. ఆ మహిళ తెలిపిన వివరాల ప్రకారం, ఆమెని ఉద్యోగం కోసం తీసుకువచ్చిన ప్రాయోజికుడు ఒక అరబ్ ఉపాధ్యాయుడు కాగా ఆ నిందితుడు ...నిత్యం తన కామవాంఛలు తీర్చాలని వేధించడంతో తాను ఎంతో అలసిపోయినట్లు ఆమె పేర్కొంది. ఆ దుర్మార్గుడు దుస్తులు సైతం దాచిన నేపథ్యంలో ఆ అబల ఆ కామాంధుడి నుంచి తప్పించుకొనే యత్నంలో ఒక తీవ్రమైన మానసిక వత్తిడిలో వెర్రి వైఖరితో నగ్నంగా రోడ్లపై పరుగుపెట్టిందని మనోవిశ్లేషకులు తెలిపారు.