చైతూ-సమంతల పెళ్లి వేడుకంటే.. అది టాలీవుడ్ వివాహ వేడుకగా మారిపోయింది. పెళ్లికి అందరూ వెళ్లకపోయినా.. ఆత్మీయుల మధ్యే వీరి పెళ్లి గోవాలో ఘనంగా జరిగింది. సమంత సినిమాల్లో హీరోయిన్ గా నటిస్తున్నా, ధైర్యంగా కనిపించినా.. పెళ్లయిన వెంటనే.. సగటు అమ్మాయిలా ఏడ్చేసింది. కన్నవాళ్లకు దూరమైపోతున్నానన్న బెంగో ఏమో కాని.. మనసులో ఉన్న తన ఆవేదనను ఇలా కన్నీళ్ల రూపంలో చెప్పింది. ఇన్నాళ్లూ గ్లామర్ రోల్స్ లో డేరింగ్ అండ్ డాషింగ్ అండ్ లవ్లీ హీరోయిన్ గా మాత్రమే ఆమెను చూసిన అభిమానులు... సమంతను ఇలా కన్నీళ్లతో చూసేసరికీ అయ్యో పాపం.. సమంతా అని ఆవేదన చెందుతున్నారు. ఆమె లేడీ ఫ్యాన్స్ మాత్రం.. చూశావా.. ఎంత పెద్ద హీరోయిన్ అయినా... పెళ్లయిన వెంటనే మనలా, మామూలు అమ్మాయిలా తన బాధను కన్నీళ్ల రూపంలో ఎలా చెప్పిందో అనుకుంటున్నారు. సో ఇన్నాళ్లూ అందచందాలతో మురిపించిన సామ్... ఇప్పుడు కన్నీళ్లతో అభిమానుల గుండెలు పిండేసింది.