సినీ నటుడు రాజశేఖర్‌ రోడ్డు ప్రమాదంలో స్వల్పంగా గాయపడ్డారు. సినిమా చిత్రీకరణ ముగించుకుని ఆదివారం రాత్రి శంషాబాద్‌ విమానాశ్రయం నుంచి బంజారాహిల్స్‌లోని ఇంటికి వాహనంలో బయలుదేరారు. వాహనాన్ని ఆయనే స్వయంగా నడుపుకుంటూ వస్తుండగా రాజేంద్రనగర్‌ పోలీసుస్టేషన్‌ పరిధిలో పీవీ ఎక్స్‌ప్రెస్‌ వేపై ముందు వెళుతున్న వాహనాన్ని ఢీకొట్టారు. దీంతో రాజశేఖర్‌కు స్వల్ప గాయాలయ్యాయి. సమాచారం అందుకున్న పోలీసులు ఘటనా స్థలానికి చేరుకుని ఆయనను పోలీసుస్టేషన్‌కు తరలించి బ్రీత్‌ అనలైజర్‌ పరీక్షలు నిర్వహించారు. సమాచారం అందుకున్న రాజశేఖర్‌ భార్య జీవిత పోలీస్‌స్టేషన్‌కు వచ్చారు.