మనామా: మినిస్ట్రీ ఆఫ్‌ ఎడ్యుకేషన్‌, 2018-19 సంవత్సరానికిగాను, ప్రైమరీ స్కూల్స్‌, అలాగే ప్రైమరీ ఇంటర్మీడియట్‌ స్కూల్స్‌లో అడ్మిషన్స్‌కి సంబంధించి రిజిస్ట్రేషన్స్‌ ఆదివారం అక్టోబర్‌ 8 నుండి ప్రారంభమయ్యాయి. అక్టోబర్‌ 12 వరకు ఈ ప్రక్రియ కొనసాగుతుంది. సంబంధిత స్కూల్‌ ప్రిన్స్‌పాల్స్‌కి ఈ మేరకు సర్కులర్‌ పంపడం జరిగింది. 2011 డిసెంబర్‌ - 2012లో జన్మించినవారు మాత్రమే రిజిస్ట్రేషన్‌కి అర్హులు. తల్లిదండ్రులు లేదా లీగల్‌ గార్డియన్స్‌తో కలిసి స్టూడెంట్స్‌ రిపోర్ట్‌ చేయవలసి ఉంటుంది. ఒరిజినల్‌ సిపిఆర్‌, వాటి కాపీలు, స్మార్ట్‌ కార్డ్స్‌కి సంబంధించిన ప్రింటెడ్‌ కాపీలు, గార్డియన్‌ తాలూకు స్మార్ట్‌ కార్డ్స్‌, కాపీలు రిజిస్ట్రేషన్‌ కోసం అవసరమవుతాయి. స్టూడెంట్‌కి సంబంధించిన ఒరిజినల్‌ బర్త్‌ సర్టిఫికెట్‌, పాస్‌పోర్ట్స్‌, మూడు ఫొటోలు కూడా తప్పనిసరి. అండర్‌-సిక్స్‌ స్టూడెంట్స్‌కి సంబంధించిన రిజిస్ట్రేషన్‌ తేదీల్ని త్వరలో వెల్లడిస్తారు. ఆయా స్కూళ్ళలో ఖాళీల్ని బట్టి ఈ ఎంపికలు ఉంటాయి.