సినీనటుడు మనోజ్ నందం కారు ధ్వంసమైంది. సోమవారం సాయంత్రం నుంచి అర్ధరాత్రి వరకు నగరంలో భారీగా వర్షం కురిసిన సంగతి తెలిసిందే. అయితే... గచ్చిబౌలిలోని బీఎస్ఎన్ఎల్ టెలికాం ట్రైనింగ్ సెంటర్ ప్రహరీ గోడ పెద్ద శబ్ధంతో కూలిపోయింది. వర్షాలకు నానిపోయిన గోడ ఒక్కసారిగా కూలిపోగా ఆ సమయంలో గోడ పక్కనుంచి నడుచుకుంటూ వెళ్తోన్న ఓ మహిళపై ఇటుకలు, బండరాళ్లు మీద పడ్డాయి. దీంతో ఆమె సృహ కోల్పోయి కింద పడిపోగా స్థానికులు ప్రైవేట్ ఆస్పత్రికి తరలించారు. అలాగే అదే ప్రహరీ గోడ పక్కన పార్కింగ్ రెండు కార్లపై కూడా శిథిలాలు పడడంతో కార్లు ధ్వంసమయ్యాయి. అంతేగాక అదే సమయంలో తన స్నేహితులతో కలిసి కారులో వస్తున్న సినీ నటుడు మనోజ్ నందం కారుపై కూడా పెద్దపెద్ద బండరాళ్లు పడడంతో కారు పూర్తిగా ధ్వంసమైంది. ఇదిలా ఉండగా పెద్దప్రమాదం తప్పిందంటూ మనోజ్ నందం సోషల్ మీడియాలో ట్వీట్ చేశాడు.