బాలీవుడ్ బిగ్ బీ అమితాబ్ బచ్చన్ అక్టోబర్ 11న తన 75 వ పుట్టిన రోజు జరుపుకోనున్నారు. కానీ తాను ఈ సంవత్సరం.. పుట్టిన రోజు, దీపావళి వేడుకలను జరుపుకోవాలని అనుకోవడం లేదని ఇటీవల ఓ ఇంటర్వ్యూలో చెప్పారు.. ఈ నేపద్యంలో అమితాబ్ వ్యాఖ్యాతగా వ్యవహరిస్తున్న "కౌన్ బనేగా కరోడ్ పతి" షో నిర్వాహకులు బిగ్ బీకి సర్ ప్రైజ్ గిఫ్ట్ ఇవ్వాలని అనుకున్నారు. అమితాబ్ చదివిన ఉత్తరాఖండ్ నైనిటాల్ లోని షేర్ వుడ్ కళాశాలకు చెందిన టీచర్స్, స్టూడెంట్స్ తో బర్త్ డే విశేష్ చెప్పి... ఆ వీడియోని  "కౌన్ బనేగా కరోడ్ పతి" షో జరుగుతున్న సమయంలో ప్లే చేశారు.. తాను చదివిన కళాశాలను చూసి.. ఆనందంతో బిగ్ బీ కంట తడిపెట్టారు. అంతేకాదు.. కళాశాల మొత్తం అమితాబ్ పోస్టర్స్ ని అంటించడమే కాదు... ఆయనకిష్టమైన గిటారిస్ట్ నీలాద్రి కుమార్ తో పుట్టిన రోజు ట్యూన్ ని కూడా ఆ వీడియోలో పొందుపరిచారు.. ఈ స్పెషల్ ఎపిసోడ్ ని బిగ్ పుట్టిన రోజైన రేపు షో నిర్వాహక ఛానల్ వారు ప్రసారం చేయనున్నారు.. అమితాబ్ థగ్స్ ఆఫ్ హిందుస్తాన్, 102 నాటౌట్ హిందీ సినిమాలతో పాటు.. చిరంజీవి సైరా నరసింహారెడ్డి సినిమాలో కూడా నటిస్తున్నారు.