హీరో ప్రభాస్...డైరెక్టర్ రాజామౌళి ఇది సూపర్ హిట్ కాంబినేషన్. బాహుబలి సినిమాతో వీరిద్దరికీ ఇంటర్నేషనల్ లెవల్లో క్రేజ్ ఏర్పడింది. తెలుగు సినిమాకు ప్రపంచ స్థాయిలో గుర్తింపుని తీసుకువచ్చిన ఘనత వీరిద్దరిది. అభిమానులు అదే క్రేజ్ తో వీరి కాంబినేషన్ లో వచ్చిన సినిమాలను చూడటానికి ఆసక్తిని చూపిస్తున్నారు. దీంతో ఫస్టు అటెంప్ట్ కింద 2005లో వీరిద్దరి కాంబినేషన్ లో వచ్చిన ఛత్రపతిని తమిళ్ లో రిలీజ్ చేయనున్నారు. 
ఇప్పటికే సినిమా టైటిల్...రిలీజ్ డేట్ కూడా ఫిక్స్ అయిపోయింది. ఛత్రపతిని ...చంద్రమౌళి పేరుతో అక్టోబర్ 12న తమిళంలో రిలీజ్ చేయనున్నారు. మరి తెలుగు ప్రేక్షకుల అభిమానం సంపాదించిన ఛత్రపతి...చంద్రమౌళిగా తమిళ ప్రేక్షకులను ఆకట్టుకుంటాడో లేదో చూడాలి.