యూఏఈ ఫెడరల్‌ ట్యాక్స్‌ అథారిటీ, ఎఫ్‌టిఎ - ఆన్‌లైన్‌ రిజిస్ట్రేషన్‌ ప్రక్రియను వ్యాట్‌ కోసం ఓపెన్‌ చేసినట్లు పేర్కొంది. తమ వెబ్‌సైట్‌ ద్వారా ఆన్‌లైన్‌లో వాల్యూ యాడెడ్‌ ట్యాక్స్‌ రిజిస్ట్రేషన్‌ చేసుకోవచ్చు. 2018 జనవరి 1 నుంచి వ్యాట్‌ ఇంప్లిమెంటేషన్‌ జరుగుతుంది. ఐదు శాతంగా వ్యాట్‌ని నిర్ణయించడం జరిగింది. వ్యాట్‌ పరిమితుల్లోకి వచ్చే అన్ని వ్యాపార విభాగాలకూ వీలుగా ఉండేలా, ఆన్‌లైన్‌ రిజిస్ట్రేషన్‌ సౌకర్యాన్ని అందుబాటులోకి తెచ్చారు. 375,000 అరబ్‌ ఎమిరేట్‌ దినార్స్‌ పరిమితి దాటితే ఖచ్చితంగా ఆయా వ్యాపార సంస్థలు వ్యాట్‌ కోసం రిజిస్టర్‌ చేసుకోవాల్సి ఉంటుంది. వార్షిక టర్నోవర్‌ 150 మిలియన్‌ ఎఇడి దాటేవారికి 31 అక్టోబర్‌ లోగా వ్యాట్‌ రిజిస్ట్రేషన్‌ గడువు కాగా, 10 మిలియన్‌ ఎఇడి వార్షిక టర్నోవర్‌ గలవారికి 30 నవంబర్‌ ఆఖరి రిజిస్ట్రేషన్‌ తేదీగా అధికార వర్గాలు పేర్కొన్నాయి. ఎఫ్‌టిఎ డైరెక్టర్‌ జనరల్‌ ఖాలిద్‌ అల్‌ బుస్తాని మాట్లాడుతూ, వ్యాట్‌ కోసం ఆయా విభాగాల్ని ముందస్తుగా ప్రిపేర్‌ చేసే లక్ష్యంతో ప్రచార కార్యక్రమాల్ని ఉధృతం చేశామని తెలిపారు. అన్ని వ్యాపార వర్గాలకూ వ్యాట్‌ రిజిస్ట్రేషన్‌ కోసం ఆన్‌లైన్‌ విభాగం రోజులో ఇరవై నాలుగు గంటలూ అందుబాటులో ఉంటుందని చెప్పారాయన.