మళయాళీ నటి భావన లైంగిక వేధింపులు ఎదుర్కున్నానంటూ వార్తల్లో ఎక్కినప్పటినుంచీ వరుసగా సినిమా నటీమణులు ఇండస్ట్రీలో తమకు జరిగిన అవమానాలు, తాము ఎదుర్కున్న లైంగిక వేధింపులను ఏకరువు పెడుతూనే ఉన్నారు. ఈ నేపథ్యంలో ఒకప్పటి హీరోయిన్ కస్తూరి కూడా ఓ హీరో నుంచి ఇలాంటి వేధింపులే ఎదుర్కున్నానని, అతడికి నో చెప్పడంతో సినిమా అవకాశాలు పోయాయని చెప్పింది. ఇక బాలీవుడ్‌లో కాంట్రావర్సీలకు కేంద్ర బిందువుగా నిలిచే రాధికా ఆప్టే తెలుగులో బాలకృష్ణ సరసన రెండు సినిమాల్లో నటించింది. తమిళం కబాలీలో రజనీకాంత్ భార్యగా నటించి మెప్పించింది. ఫ్రీ పబ్లిసిటీని కోరుకునే రాథిక ఆప్టే తాజాగా మరోసారి దక్షిణాది ఇండస్ట్రీపై సంచలన కామెంట్స్ చేసింది. పరిశ్రమలో హీరోయిన్లను బెడ్ రూముకు పిలిచే సంప్రదాయం ఉందని చెప్పుకొచ్చింది. తననను కథా చర్చలకు రమ్మని ఓ నిర్మాత పిలిచి పడక గదికి రమ్మంటే తాను అంగీకరించలేదని, ఈ కారణంగానే తనకు దక్షిణాదిలో ఎక్కువగా అవకాశాలు రాలేదని అంటోంది.