జెడ్డా: వజిరియా ప్రైమరీ స్కూల్‌ రీ-ఓపెన్‌ కోసం విద్యార్థుల తల్లిదండ్రులు ఐదేళ్ళుగా ఎదురుచూస్తున్నారు. జెడ్డాలోని కండారా డిస్ట్రిక్ట్‌లో గల వజీరియా ప్రైమరీ స్కూల్‌, ఐదేళ్ళ క్రితం రినోవేషన్‌ వర్క్‌ పేరుతో మూసివేతకు గురయ్యింది. అప్పటినుంచి ఇప్పటిదాకా రినోవేషన్‌ పూర్తి కాకపోవడం పట్ల విద్యార్థుల తల్లిదండ్రులు ఆందోళన వ్యక్తం చేస్తున్నారు. సయీద్‌ బకాదెర్‌ అనే ఓ వ్యక్తి, తన కుమారుడ్ని వేరే స్కూల్‌లో చేర్చించానని చెప్పగా, మరో వ్యక్తి తమ పిల్లల్ని వేరే స్కూల్‌కి పంపలేకపోతున్నట్లు చెప్పారు. డిజైన్‌లో సమస్యల కారణంగా, 2016 ఆగస్ట్‌ 29న స్కూల్‌ భవన నిర్మాణం ఆగిపోయిందని, జులై 25న మినిస్టర్‌ కొత్త డిజైన్‌ని అప్రూవ్‌ చేయడంతో పనులు తిరిగి ప్రారంభమయ్యాయని, ఎప్పుడు నిర్మాణం పూర్తవుతుందో మాత్రం చెప్పలేమని ఎడ్యుకేషన్‌ డిపార్ట్‌మెంట్‌ అధికార ప్రతినిథి హమౌద్‌ అల్‌ సుకైరాన్‌ చెప్పారు.