కువైట్:' కూటి కోసం కోటి విద్యలు '  ...కానీ , ఈ విద్య కొద్దిగా ఎబ్బెట్టుగా ఉంది.  గల్ఫ్ దేశం కువైట్‌లో ఆశ్చర్యకరమైన  ఓ విచితమైన విషయం వెలుగులోకి వచ్చింది. బతుకుదెరువు కోసం ఆసియాలోని వివిధ దేశాల నుంచి వలస వెళ్లినవారిని చేరదీసి ఓ గ్యాంగ్ వివిధ అకృత్యాలకు పాల్పడింది. డబ్బు సంపాదనే లక్ష్యంగా కొంతమంది కార్మికులపై హింసకు పాల్పడిన ఘటనకు సంబంధించిన వివరాలు ఈ విధంగా ఉన్నాయి. కువైట్ నగరంలో కొందమంది కార్మికులను ఓ గ్యాంగ్ నరకానికి గురిచేస్తోందని సమాచారం అందుకున్న పోలీసులు దర్యాప్తు చేపట్టగా నమ్మలేని నిజాలు వెలుగులోకి వచ్చాయి. ఆసియా దేశాలకు చెందిన 26 మంది యువకులను బెదిరించి, వారితో ఆడవారిలా వేషధారణ చేయించి ఓ మసాజ్‌ సెంటర్‌లో అమ్మాయిలుగా పని చేయించారు. ఎదురుతిరిగితే చంపేస్తామని బెదిరించిన ఓ గ్యాంగ్‌ను పోలీసులు అదుపులోకి తీసుకున్నారు. బాధితులను హింసించి లైంగిక సంబంధ వ్యాపారం, మసాజ్ చేయడం, బ్యాటీపార్లర్‌ను నడిపించడం వంటి పనులు చేయించారు. బయటకు చెబితే చంపేస్తామంటూ బెదిరించారు. ఈ ఘటన వెలుగులోకి రావడం కువైట్‌లో సంచలనంగా మారింది. చర్చనీయాంశంగా మారింది. ఈ నేరానికి పాల్పడిన నలుగురు సభ్యుల గ్యాంగ్‌ను పోలీసులు అదుపులోకి తీసుకున్నారు. ఘటనపై దర్యాప్తు జరుపుతున్నామని పోలీసులు తెలిపారు. బాధితుల్లో ఎక్కువ మంది ఆసియా దేశాలకు చెందినవారేనని, చంపేస్తామని బెదిరించి ఈ నేరానికి పాల్పడ్డారని అల్ రాయ్ పత్రిక వెల్లడించింది.