ఫిషింగ బోట్‌లో అగ్ని ప్రమాదం కారణంగా, ఎమిరేటీ కెప్టెన్‌, ఇండియన్‌ మెరైన్‌ వర్కర్‌ గాయాలపాలయ్యారు. రస్‌ అల్‌ ఖైమాలో ఈ ఘటన చోటు చేసుకుంది. రస్‌ అల్‌ ఖైమా పోలీస్‌ - సెంట్రల్‌ ఆపరేషన్స్‌ రూమ్‌ ఈ ఘటన గురించిన సమాచారం అందుకోగానే, పోలీస్‌ పెట్రోల్స్‌నీ, అంబులెన్స్‌, పారామెడిక్స్‌, అలాగే రెస్క్యూ టీమ్స్‌ని సంఘటనా స్థలానికి పంపారు. రస్‌ అల్‌ ఖైమా ఫిషర్‌మెన్‌ సొసైటీ ఛైర్మన్‌ ఖలీఫా అల్‌ ముహైరి మాట్లాడుతూ, షామ్‌ టౌన్‌ తీర ప్రాంతానికి దగ్గరలో ఈ ప్రమాదం జరిగిందనీ, రస్‌ అల్‌ ఖైమా సిటీకి ఉత్తరంలో 40 కిలోమీటర్ల దూరంలో ఘటన జరిగిందని చెప్పారు. ఎమిరేటీ కెప్టెన్‌, ఫిషింగ్‌ బోట్‌ యజమానిగా గుర్తించారు. గాయపడ్డవారిని సక్ర్‌ హాస్పిటల్‌కి చికిత్స నిమిత్తం తరలించారు. వీరిద్దరికీ చికిత్స అనంతరం ఆసుపత్రి నుంచి డిశ్చార్జి చేశారు. సాయంత్రం 5.30 నిమిషాల సమయంలో ఈ గటన చోటు చేసుకుంది. పేలుడుకు గల కారణాల్ని విచారిస్తున్నారు అధికారులు.