గీతాంజలి, జయమ్ము నిశ్చయమ్మురా సినిమాలతో హీరోగా రెండు విజయాలు అందుకొన్నాడు స్టార్ కమెడియన్ శ్రీనివాస్ రెడ్డి. ఇటీవలే ప్రేక్షకుల ముందుకొచ్చిన 'ఆనందో బ్రహ్మా' సినిమాలోనూ కీలక పాత్రలో కనిపించారు. ఇప్పుడు శ్రీనివాస్ రెడ్డి మరోసారి హీరో అవతారం ఎత్తేందుకు రెడీ అవుతున్నాడు. 'రైట్ రైట్' సినిమా దర్శకుడు మను
దర్శకత్వంలో శ్రీనివాస్ రెడ్డి హీరోగా ఓ సినిమా తెరకెక్కనుంది.
ప్రస్తుతం ప్రీ-ప్రొడక్షన్ పనులు కొనసాగుతున్నాయి. ఈ సినిమాకు గోపిసుందర్ సంగీతం అందించనున్నారు. ఈ సినిమా పూర్తి వివరాలు త్వరలోనే ప్రకటించనున్నారు. టాలీవుడ్ స్టార్ కమెడియన్ గా పేరుతెచ్చుకొన్న సునీల్ పూర్థిస్థాయి హీరోగా మారి వరుస ప్లాపులతో హీరోగా కొనసాగలేక నానా అవస్థలు పడుతున్నాడు. శ్రీనివాస్ రెడ్డి మాత్రం కామెడీ చేస్తూనే మంచి కథ దొరికినప్పుడు మాత్రం హీరోయిజం చూపిస్తున్నాడు. ఇదేదో బాగున్నట్టుంది. సునీల్ కూడా ఈ ఫార్ములాని నమ్ముకొంటే మంచిదేమో.. !