అడ్వెంచర్స్‌ని ఇష్టపడే ప్రకృతి ప్రేమికులు కొంచెం ఆరోగ్యపరమైన జాగ్రత్తలు తీసుకోవాల్సి ఉంటుంది. ఎందుకంటే జబెల్‌ జైస్‌ మౌంటెయిన్‌ ప్రాంతాల్లో ఉష్ణోగ్రతలు గణనీయంగా తగ్గిపోయాయి. సాహస క్రీడల నిమిత్తం ఇక్కడికి వచ్చే సాహసికుల సంఖ్య చాలా ఎక్కువ. ఈ నేపథ్యంలో సాహసాలు చేయాలనుకునేవారు ముందుగా తమ ఆరోగ్యం పట్ల శ్రద్ధ చూపాలని వైద్య నిపుణులు వెల్లడిస్తున్నారు. ప్రధానంగా ఆస్తమా, రెస్పిరేటరీ డిజార్టర్స్‌ వంటివి సాహసీకుల్ని ఇబ్బంది పెట్టవచ్చు. మంచుతో కూడిన వాతావరణం ఈ వ్యాధులతో బాధపడేవారిని ఇబ్బందులపాల్జేస్తుంది. అయితే ఈ ప్రత్యేక వాతావరణ పరిస్థితుల్లో నేచుర్‌ లవర్స్‌కి కొండ ప్రాంతాల్లో ప్రకృతి రమణీయత కట్టి పడేస్తుంది. అందుకనే సాహసీకులతోపాటు, పర్యావరణ ప్రేమికులూ పెద్ద సంఖ్యలో కొండ ప్రాంతాలకు వెళుతుంటారు. ముందు ముందు రోజుల్లో ఉష్ణోగ్రతలు ఇంకా తగ్గే అవకాశం ఉందని వాతావరణ శాఖ వెల్లడిస్తోంది.