దుబాయ్‌లో పాకిస్తాన్‌కి చెందిన ఓ వ్యక్తి, ఓ మహిళపై లిఫ్ట్‌లో లైంగిక వేధింపులకు పాల్పడ్డాడు. ఈ ఘటనకు సంబంధించి 26 ఏళ్ళ పాకిస్తానీ వ్యక్తిని కోర్ట్‌ ఆఫ్‌ ఫస్ట్‌ ఇన్‌స్టాన్స్‌ ముందుకు తీసుకొచ్చింది ప్రాసిక్యూషన్‌ బృందం. బాధిత మహిళను సౌతాఫ్రికాకి చెందిన మహిళగా గుర్తించారు. మహిళ చేతిపై ముద్దు పెట్టడం, అలాగే ఆమెను అసభ్యకరంగా తాయడం, ఆమెను కౌగలించుకునేందుకు ప్రయత్నం చేయడం ఇవన్నీ నిందితుడు చేశాడని ప్రాసిక్యూషన్‌ వివరించింది. అయితే న్యాయస్థానంలో ఈ ఆరోపణల్ని నిందితుడు ఖండించాడు. 19వ ఫ్లోర్‌లోని తన ఆఫీస్‌కి వెళ్ళేందుకు లిఫ్ట్‌ని ఆశ్రయించగా, ఆ లిఫ్ట్‌లో నిందితుడు తనపై లైంగిక వేధింపులకు పాల్పడినట్లు బాధితురాలు వివరించారు. నవంబర్‌ 14న ఈ కేసులో తీర్పు రానుంది.