13 దేశాలకు చెందిన పౌరులు, తమ దేశంలో పొందిన డ్రైవింగ్‌ లైసెన్స్‌ని, యూఏఈ డ్రైవింగ్‌ లైసెన్స్‌తో రీప్లేస్‌ చేసుకోవడానికి ఆస్కారం కల్పిస్తూ నిర్ణయం తీసుకోవడం జరిగింది. ఈ మేరకు మినిస్ట్రీ ఆఫ్‌ ఫారిన్‌ ఎఫైర్స్‌ అండ్‌ ఇంటర్నేషనల్‌ కో-ఆపరేషన్‌ తమ వెబ్‌సైట్‌లో ఆ 13 దేశాల వివరాల్ని పేర్కొంది. ఆస్ట్రియా, స్లొవేకియా, లగ్జెంబర్గ్‌, చైనా, పోర్చుగల్‌, ఫిన్లాండ్‌, రొమేనియా, డెన్మార్క్‌, సెర్బియా, పోలాండ్‌, నెదర్‌లాండ్స్‌, లాత్వియా, లూథియానా తదితర దేశాలు ఈ లిస్ట్‌లో ఉన్నాయి. దీంతో మొత్తం 30 దేశాలకు చెందినవారు తమ లైసెన్సులతో యూఏఈ డ్రైవింగ్‌ లైసెన్స్‌గా మార్చుకోవచ్చు. బ్రిటన్‌, అమెరికా, జపాన్‌, జర్మనీ, ఇటలీ తదితర దేశాలు ఇందులో ఉన్నాయి. యూఏఈలో ఇతర దేశాలకు చెందినవారికి డ్రైవింగ్‌ లైసెన్స్‌ కష్టతరమే. ఈ నేపథ్యంలో ఆయా దేశాలకు చెందినవారికి కొంత వెసులుబాటు కల్పిస్తున్నారు.