ఎమిరేట్స్‌లో మెట్రో టైమింగ్స్‌ మారుతున్నట్లు రోడ్స్‌ అండ్‌ ట్రాన్స్‌పోర్ట్‌ అథారిటీ బుధవారం వెల్లడించింది. సెప్టెంబర్‌ 1 నుంచి రెడ్‌ లైన్‌ సర్వీసులు ఉదయం 5 గంటలకు ప్రారంభమవుతున్నాయి. ఇది ఇంతకుముందు 5.30 నిమిషాలుగా ఉంది. గ్రీన్‌లైన్‌ సర్వీసులు 5.50 నిమిషాలకు బదులుగా, 5.30 నిమిషాలకే ప్రారంభమవుతాయి. గురువారాల్లో రెడ్‌ మరియు గ్రీన్‌ లైన్స్‌ తెల్లవారు ఝామున 1 గంటల వరకు పనిచేస్తాయ. శుక్రవారాల్లో ఉదయం 10 గంటల నుంచి తెల్లవారు ఝామున 1 గంట వరకు పనిచేస్తాయి. ఎక్స్‌ప్రెస్‌ మెట్రో సర్వీసుల్ని ఆరు స్టేషన్లలో అందుబాటులోకి తెస్తున్నారు. రషిదియా, రిగ్గా, ఎమిరేట్స్‌ టవర్స్‌, ఫస్ట్‌ గల్ఫ్‌ బ్యాంక్‌, జుమైరా లేక్స్‌ టవర్స్‌ అలాగే యూఏఈ మనీ ఎక్స్‌ఛేంజ్‌ నుంచి ఇవి పనిచేస్తాయి. ప్రయాణీకులు ఎక్కువగా వినియోగించే స్టేషన్లు ఇవి. ప్రయాణీకుల అవసరాలకు తగ్గట్టుగా ఎప్పటికప్పుడు సర్వీసుల్ని అప్‌గ్రేడ్‌ చేస్తున్నట్లు ఆర్‌టిఎ రైల్‌ ఏజెన్సీ రైల్‌ ఆపరేషన్స్‌ డైరెక్టర్‌ చెప్పారు.