వీసాలో బాలిక వయస్సు మార్చి దుబాయ్ కు తరలించి... ఆపై వ్యభిచార రొంపిలోకి నెట్టారు
- October 25, 2017దుబాయ్: అప్పులతో ఇబ్బందులు పడుతున్న కుటుంబానికి చేదోడు వాదోడుగా నీవు నిలవాలని అందుకు దుబాయిలో ఉద్యోగం నీకోసం ఎదురుచూస్తుందని ఓ అమాయక బాలికకు కొందరు మోసగాళ్లు అనేక మాయమాటలు చెప్పి వలలో వేసుకొన్నారు. ఆసియాలోని ఒక దేశానికి చెందిన 14 ఏళ్ల బాలిక గల్ఫ్లోని దుబాయ్ నగరానికి ఎంతో ఆశతో వెళ్లింది. ఆ బాలికను తరలించిన బ్రోకర్ల మాటలను నమ్మింది. ఆ దుర్మార్గులు దుబాయ్ కు తీసుకువెళ్లి బలవంతాన వ్యభిచార వృత్తిలో దించారు. గత రెండు నెలలుగా ఆమె అక్కడ నరకం అనుభవిస్తోంది. ఈ బాలిక పడుతున్న ఇబ్బందుల గూర్చి దుబాయ్ పోలీసులకు కొందరు సమాచారం ఇవ్వడంతో మానవ అక్రమ తరలింపు నియంత్రణ దుబాయ్ విభాగపు డైరెక్టర్ అబ్ధుల్లారహెమాన్ అల్ శార్ నేతృత్వంలో వ్యభిచారం గృహంపై ఆకస్మిక దాడి చేశారు. బాధిత బాలికకు విముక్తి కల్పించారు. ఆ బాలికతో పాటు అక్కడ ఉన్న మరికొందరు బాలికలను రక్షించగలిగారు. వ్యభిచార గృహారాన్ని నిర్వహిస్తున్న బంగ్లాదేశ్కు చెందిన ఓ వ్యక్తిని మరో మహిళను పోలీసులు అరెస్ట్ చేశారు. ఈ తరహా అక్రమరవాణాకు పాల్పడుతున్న పలువురు నిందితులపై కేసులు నమోదు చేశారు. బాలిక వయసు 24 సంవత్సరాలుగా వీసాలో తప్పుడు సమచారాన్ని పొందుపరచారని, స్వయంగా బాలిక బంధువే ఈ నేరానికి పాల్పడ్డాడని పోలీసులు గుర్తించారు. కేసు విచారణ అనంతరం నిందితులు కఠిన శిక్షలు పడక తప్పవని దుబాయ్ పోలీసులు వివరించారు.
తాజా వార్తలు
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం
- మహిళలు,వృద్ధుల సాధికారతకు ఒమన్ కృషి
- ఖతార్ ప్రెసిషన్ హెల్త్ ఇన్స్టిట్యూట్ కొత్త రికార్డు
- యాదాద్రి భక్తులకు డ్రెస్ కోడ్.. జూన్ 1 నుంచి అమల్లోకి..
- భారీగా పెరిగిన బ్రిటన్ ప్రధాని రిషి సునాక్ దంపతుల ఆస్తులు
- ఆదాయం పెంపు పై దృష్టి పెట్టిన సీఎం రేవంత్ రెడ్డి..