దుబాయ్‌: పామ్‌ జుమైరాలో అగ్ని ప్రమాదం సంభవించింది. దుబాయ్‌ సివిల్‌ డిఫెన్స్‌ రికార్డ్‌ సమయంలో సంఘటనా స్థలానికి చేరుకుని, మంటల్ని ఆర్పివేసింది. ఈ ఘటనతో దుబాయ్‌ సివిల్‌ డిఫెన్స్‌ చూపిన అద్భుతమైన పనితీరు అందరి ప్రశంసల్నీ అందుకుంటోంది. పామ్‌ జుమైరాలో గురువారం ఉదయం నిర్మాణంలో ఉన్న భవనంలో ఈ అగ్ని ప్రమాదం జరిగినట్లు అఇకారులు వెల్లడించారు. ఉదయం 10.50 నిమిషాల సమయంలో దుబాయ్‌ సివిల్‌ డిఫెన్స్‌ ఆపరేషన్స్‌ రూమ్‌కి సమాచారం అందింది. 11.03 నిమిషాలకే సంఘటనా స్థలానికి టీమ్‌ చేరుకుంది. దట్టమైన పొగను గుర్తించిన సివిల్‌ డిఫెన్స్‌ టీమ్‌, రంగంలోకి దిగి 11.14 నిమిషాలకల్లా మంటల్ని పూర్తిగా అదుపు చేసింది.