క్యాన్సర్‌పై అవగాహనకు విశాఖలో అవేర్‌నెస్‌ వాక్‌ జరుగుతోంది. ఎమ్మెల్యే నందమూరి బాలకృష్ణ ఈ నడకలో పాల్గొననున్నారు. సినీ నటి గౌతమి స్థాపించిన లైఫ్‌ ఎగైన్‌ ఫౌండేషన్‌ ఈ ఈవెంట్‌ను నిర్వహిస్తోంది. క్యాన్సర్‌ వాక్‌లో పార్టిసిపేట్‌ చేసేందుకు పెద్ద సంఖ్యలో వైజాగ్‌ వాసులు బీచ్‌కు చేరుకున్నారు. యువత హడావుడితో సందడి నెలకొంది.

క్యాన్సర్‌ను జయించిన పలువురు విజేతలు నడక ద్వారా అవగాహన కల్పిస్తారని లైఫ్‌ ఎగైన్‌ ఫౌండేషన్‌ వ్యవస్థాపకురాలు గౌతమి తెలిపారు. బీచ్‌ వాక్‌తో క్యాన్సర్‌ వ్యాధి పట్ల అవగాహన, బాధితులకు మనోధైర్యం కల్పించనున్నట్టు తెలిపారు. బీచ్‌వాక్‌లో వైజాగ్‌ వాసులు భారీగా తరలిరావాలని హీరో బాలకృష్ణ పిలుపిచ్చారు.