మస్కట్‌: దఖ్లియాలోని నిజ్వాలోగల బిర్కత్‌ అల్‌ మౌజ్‌ ప్రాంంలో ఓ స్కూలు అగ్ని ప్రమాదానికి గురయ్యింది. ఉమ్‌ అల్‌ ఫాదిల్‌ ప్రైమరీ స్కూల్‌లో జరిగిన ఈ అగ్ని ప్రమాద ఘటనలో 14 మందికి గాయాలయ్యాయి. ఉదయం 6.57 నిమిషాల సమయంలో అగ్ని ప్రమాదానికి సంబంధించిన సమాచారం అందినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ మరియు అంబులెన్సెస్‌ అధికార ప్రతినిథి చెప్పారు. సమాచారం అందుకోగానే, అక్కడికి చేరుకుని సహాయక చర్యలు చేపట్టారు సివిల్‌ డిఫెన్స్‌ టీమ్‌ మెంబర్స్‌. ఫైర్‌ ఫైటర్స్‌ చాకచక్యంగా వ్యవహరించి మంటల్ని అదుపు చేశారు. ఈ ఘటనలో 14 మందికి గాయాలు కాగా, వారిని ఆసుపత్రికి తరలించారు. పొగ పీల్చడం, చిన్న చిన్న గాయాలు మాత్రమే కావడంతో ఆసుపత్రిలో ప్రాథమిక చికిత్స అనంతరం బాధితుల్ని తమ తమ ఇళ్ళకు పంపించివేశారు.