22వ సీజన్‌ దుబాయ్‌ గ్లోబల్‌ విలేజ్‌, నవంబర్‌ 1న ప్రారంభం కాబోతోంది. 2018 ఏప్రిల్‌ 7 వరకు ఈ సీజన్‌ కొనసాగుతుంది. గత ఏడాది ఈ ఈవెంట్‌, రికార్డ్‌ స్థాయిలో 5.6 మిలియన్ల మంది అతిథుల్ని 159 రోజుల్లో ఆకట్టుకుంది. ఇంకో వైపున గ్లోబల్‌ విలేజ్‌ కోసం కొత్త బస్‌ రూట్స్‌ని నవంబర్‌ 1 నుంచి అందుబాటులోకి తెస్తున్నారు. గ్లోబల్‌ విలేజ్‌కి వెళ్లే సాధారణ సందర్శకులకు టిక్కెట్‌ ధరని 15 దిర్హామ్‌లుగా నిర్ణయించారు. ఆన్‌లైన్‌ ద్వారా లభిస్తాయి. అలాగే గేట్స్‌ వద్ద మూసివేతకు అరగంట ముందు వరకూ టిక్కెట్లు అందుబాటులో ఉంటాయి. గ్లోబల్‌ విలేజ్‌లో ఫ్యామిలీ, కల్చరల్‌, షాపింగ్‌ ఎంటర్‌టైన్‌మెంట్‌ డెస్టినేషన్స్‌ చాలానే సందర్శకుల్ని ఆకర్షిస్తాయి. 75 దేశాలకు చెందిన పలు సంస్థలు 30 పెవిలియన్లలో తమ ఉత్పత్తుల్ని ప్రదర్శన మరియు అమ్మకానికి ఉంచుతాయి.