ఇరాక్ లో ఇటీవల ప్రబలుతున్న అంటువ్యాధి కలరా, మరియు దానిగురించి ప్రపంచ ఆరోగ్య సంస్థ (హూ) వారి సిఫారసులను గురించి ప్రభుత్వం చాల జాగ్రత్తగా గమనిస్తున్నట్టు, అటువంటి కేసులను మొదట్లోనే కనిపెట్టడానికి, నిఒవరన చర్యలు తీసుకోవడానికి ఒక సమగ్రమైన ప్రణాళికతో సర్వ సన్నద్ధంగా ఉన్నామని, ప్రజారోగ్య శాఖ డైరక్టర్ - డా. మరియమ్ అల్ హాజిరి హామీ ఇచ్చారు. ఇరాక్ కు వెళ్ళే వారిని బాటిల్ నీటిని వాడాలని; పళ్ళు, కూరగాయలను కడగడానికి ఆహారాన్ని వండడానికి కూడా బాటిల్ నీటిని వాడాలని; భోజనానికి ముందు తరువాత, బాత్ రూం కు వెళ్లి న తరువాత, డయేరియా తో బాధపడుతున్న వారికి అవసరమైన సపర్యలు చేసిన అనంతరం కుడా చేతులను పరిశుభ్రంగా కడగాలని ఆరోగ్య శాఖ ప్రతినిధి ఒకరు సూచించారు. ఇరాక్ నుండి తిరిగి వచ్చినపుడు ఏ విధమైన తినుబండారాలను గాని, ద్రవ పదార్ధాలను గాని తీసుకు రావద్దని, తద్వారా దేశంలోకలరా వ్యాప్తిని అరికట్టడానికి సహాయపడాలని ఆరోగ్య శాఖ వారు పిలుపు నిచ్చారు.