వరుసగా రెండు సూపర్‌ సిరీస్‌ టైటిళ్లు సాధించి స్వదేశానికి చేరుకున్న భారత అగ్రశ్రేణి షట్లర్‌, తెలుగు తేజం కిదాంబి శ్రీకాంత్‌కు ఘనస్వాగతం లభించింది. మంగళవారం ఉదయం హైదరాబాద్‌లోని రాజీవ్‌గాంధీ అంతర్జాతీయ విమానాశ్రయానికి చేరుకున్న శ్రీకాంత్‌కు అభిమానులు బ్రహ్మరథం పట్టారు. పుష్పగుచ్ఛాలు అందించి శుభాకాంక్షలు తెలిపారు.
ఈ సందర్భంగా కిదాంబి మాట్లాడుతూ.. వరుసగా రెండు సూపర్‌ సిరీస్‌ టైటిళ్లు గెలవడం ఎంతో సంతోషంగా ఉంది. నా విజయాల వెనుక కోచ్‌ పుల్లెల గోపిచంద్‌ కృషి ఎంతో ఉంది.ః అని తెలిపారు. ఈ ఏడాది ఇండోనేషియా ఓపెన్‌, ఆస్ట్రేలియా ఓపెన్‌, డెన్మార్క్‌ ఓపెన్‌, ఫ్రెంచ్‌ ఓపెన్‌ గెలిచి ఒకే ఏడాదిలో నాలుగు సూపర్‌ సిరీస్‌ టైటిళ్లు గెలిచిన ఆటగాళ్ల జాబితాలో కిదాంబి శ్రీకాంత్‌ స్థానం దక్కించుకున్న సంగతి తెలిసిందే.