హాలీవుడ్‌ సూపర్‌స్టార్‌ ఆర్నాల్డ్‌ స్క్వాజ్‌నెగ్గర్‌ను కలుసుకునేందుకు దక్షిణాది సూపర్‌స్టార్‌ రజనీకాంత్‌ అమెరికా వెళ్లబోతున్నారన్న వార్త కోలీవుడ్‌ హాట్‌టాపిక్‌గా మారింది. 'రోబో-2'ని హాలీవుడ్‌ స్థాయిలో అత్యంత భారీ బడ్జెట్‌తో తెరకెక్కించేందుకు శంకర్‌ సన్నాహాలు చేస్తున్న విషయం తెలిసిందే. విలన్‌ పాత్రలో ఆర్నాల్డ్‌ను నటింపజేయాలని శంకర్‌, నిర్మాణ సంస్థ లైకా తీవ్ర ప్రయత్నాలు చేస్తుండగా, పారితోషకం, కాల్షీట్ల విషయంలో ఏకాభిప్రాయం కుదరడం లేదన్న వార్తలు వినిపిస్తున్నాయి. ఈ నేపథ్యంలో 'కబాలి' షూటింగ్‌ నిమిత్తం మలేషియా వెళ్లిన రజనీకాంత్‌ ఈ నెలాఖరులో అమెరికా వెళ్లి ఆర్నాల్డ్‌ను కలువబోతున్నారన్న కథనాలు మరింత ఆసక్తిని రేపుతున్నాయి. రజనీకాంత్‌తోపాటు శంకర్‌ కూడా యు.ఎస్‌.కి వెళ్లబోతున్నారట. వీరి చర్చలు ఫిలించి హాలీవుడ్‌ సూపర్‌స్టార్‌ రోబో-2లో నటించడానికి అంగీకరించాలని అభిమానులు కోరుకుంటున్నారు.