మస్కట్‌: లోపాలుగల బస్‌ని అమ్మినందుకు, సరైన రీతిలో దాన్ని రిపెయిర్‌ చెయ్యనందుకుగాను ఓ డీలర్‌కి ఆరు నెలల జైలు శిక్ష అలాగే, 1000 ఒమన్‌ రియాల్స్‌ జరీమానా విధించింది న్యాయస్థానం. పబ్లిక్‌ అథారిటీ ఫర్‌ కన్స్యుమర్‌ ప్రొటెక్షన్‌, వాహన డీలర్‌ని న్యాయస్థానానికి తీసుకెళ్ళింది, వినియోగదారుడి ఫిర్యాదుతో. 25 సీటర్‌ బస్‌కి సంబంధించిన స్టీరింగ్‌ బ్యాలెన్స్‌ లేకపోవడం, చక్రాల నుంచి పొగ, ఆయిల్‌ వస్తుండడంతో డీలర్‌కి ఫిర్యాదు చేయగా, సమస్యను పరిష్కరించలేదు. ఈ నేపథ్యంలో నిజ్వా కోర్ట్‌ ఆఫ్‌ఫస్ట్‌ ఇన్‌స్టాన్స్‌ తీర్పునిస్తూ, డీలర్‌ది తప్పని తేల్చింది. డీలర్‌ కన్స్యుమర్‌ ప్రొటెక్షన్‌ చట్టాన్ని ఉల్లంఘించినట్లు న్యాయస్థానం పేర్కొంది. వినియోగదారుడు, అంతకు ముందు అల్‌ దక్లియా ప్రావిన్స్‌లోని కన్స్యుమర్‌ వాచ్‌డాగ్స్‌ని సంప్రదించి, తనకు జరిగిన అన్యాయంపై ఫిర్యాదు చేశారు. డీలర్‌ తక్షణమే 300 ఒమన్‌ రియాల్స్‌ లీగల్‌ ఖర్చుల కింద చెల్లించాలని కూడా డీలర్‌ని ఆదేశించింది.