మనామా: ఆల్కహాల్‌ ప్రోడక్ట్స్‌పై అధికంగా ట్యాక్సులు విధించాల్సి ఉందని బహ్రెయినీ ఎంపీ, ప్రభుత్వాన్ని డిమాండ్‌ చేశారు. రెండింతలు, మూడింతలుగా ఆల్కహాల్‌, ప్రోడక్ట్స్‌పై ఆ ట్యాక్స్‌ విధిస్తే మంచిదని ఎంపీ మొహమ్మద్‌ అల్‌ మారిఫి చెప్పారు. పొగాకు ఉత్పత్తులు, సాఫ్ట్‌ మరియు ఎనర్జీ డ్రింక్స్‌పై ట్యాక్స్‌ని పెంచడం పట్ల ఆయన అభ్యంతరం వ్యక్తం చేశారు. ప్రజారోగ్యంపై శ్రద్ధ ప్రభుత్వానికి ఉన్నది నిజమే అయితే ఆల్కహాల్‌ ప్రోడక్ట్స్‌పైన కూడా రెట్టింపు, మూడింతల జరీమానా విధించాలని అన్నారాయన. అల్‌ మారిఫి వ్యాఖ్యలు చేసిన సమయంలో పార్లమెంటులో కొంత గందరగోళం చోటు చేసుకుంది. జీసీసీ యూనిఫైడ్‌ ఎగ్రిమెంట్‌ - సెలక్టివ్‌ ట్యాక్సేషన్‌ అండ్‌ వాల్యూ యాడెడ్‌ ట్యాక్స్‌కి సంబంధించిన బిల్లుపై చర్చ సందర్భంగా మారిఫి ఈ వ్యాఖ్యలు చేశారు. ఆరోగ్యానికి హానికారకమైన పొగాకు ఉత్పత్తులపై 100 శాంత ట్యాక్స్‌, కార్బొనేటెడ్‌ డ్రింక్స్‌ 50 శాతం, ఎనర్జీ డ్రింక్స్‌పై 100 శాతం ట్యాక్స్‌ని విధిస్తూ బిల్లుని రూపొందించారు.