రాజశేఖర్ నటించిన యాక్షన్ ఎంటర్టైనర్ గరుడవేగ, రీసెంట్ గా రిలీజై సూపర్బ్ టాక్ తెచ్చుకుని సక్సెస్ ఫుల్ గా రన్ అవుతోంది. ప్రవీణ్ సత్తారు దర్శకత్వంలో రూపొందిన ఈ మూవీలో రాజశేఖర్ తో పాటు అరుణ్ ఆదిత్, శ్రద్దాదాస్, పూజా కుమార్ ప్రధాన పాత్రలు పోషించారు. సినిమా సక్సెస్ అవ్వడంతో చిత్ర యూనిట్ ఫుల్ జోష్ లో ఉన్నారు.

గరుడవేగ సినిమా రిలీజ్ కి ఎంత ప్రమోషన్ చేశారో...రిలీజ్ అయ్యాక కూడా అంతే ప్రమోషన్ చేసింది టీమ్. ఇప్పుడు సక్సెస్ టాక్ వచ్చాక కూడా చిత్ర యూనిట్ సినిమా జనాల్లోకి తీసుకెళ్ళడానికి మరో అడుగు వేస్తోంది. త్వరలోనే సక్సెస్ టూర్ ఏర్పాటు చేసి, వైజాగ్, గుంటూరు, నెల్లూరులోని కొన్ని ధియేటర్లలో సందడి చేయబోతుంది.