షార్జా సివిల్‌ డిఫెన్స్‌ ఫైర్‌ ఫైటర్స్‌ చాకచక్యంగా వ్యవహరించి, షార్జా క్రీక్‌ - ఖాలిద్‌ పోర్ట్‌లో అగ్ని ప్రమాదానికి గురైన బోటులో మంటల్ని ఆర్పివేశారు. ఈ ఘటనలో ఎవరికీ ఎలాంటి గాయాలూ కాలేదని షార్జా సివిల్‌ డిఫెన్స్‌ డైరెక్టర్‌ జనరల్‌ కల్నల్‌ సమి అల్‌ నక్బి చెప్పారు. ఉదయం 11.30 గంటల సమయంలో యాంకర్‌ చేసిన ఉడెన్‌ బోట్‌కి అగ్ని ప్రమాదం సంభవించినట్లు సమాచారం అందుకుంది సివిల్‌ డిఫెన్స్‌. సమాచారం అందగానే, ఘటనా స్థలికి చేరుకుని సహాయ చర్యలు ప్రారంభించారు. బలమైన గాలుల కారణంగా 30 నిమిషాల సమయం పట్టింది మంటల్ని ఆరప్పడానికి. ఘటనా స్థలానికి చేరుకున్న ఫోరెన్సిక్‌ టీమ్‌ ప్రమాదానికి గల కారణాల్ని అన్వేషిస్తోంది. పేలుడు స్వభావం గల వస్తువుల్ని తరలించే క్రమంలో సిబ్బంది నిర్లక్ష్యం ఇలాంటి ప్రమాదాలకు కారణమని అధికారులు చెప్పారు.