అజ్మన్‌లోని అల్‌ జర్ఫ్‌ ఇండస్ట్రియల్‌ ఏరియాలో భారీ అగ్ని ప్రమాదం జరిగింది. ఈ ఘటనలో ఎవరికీ ఎలాంటి గాయాలూ అయినట్లు ఇప్పటిదాకా సమాచారం అందలేదు. ఈ ఘటనపై స్పందించిన అజ్మన్‌ సివిల్‌ డిఫెన్స్‌ డైరెక్టర్‌ బ్రిగేడియర్‌ మొహమ్మద్‌ అలీ జుమైరా, సంఘటన గురించి తెలియగానే రెస్క్యూ టీమ్స్‌ సంఘటనా స్థలానికి చేరుకుని, సహాయక చర్యలు ముమ్మరం చేసినట్లు చెప్పారు. అల్‌ అజ్మన్‌ సివిల్‌ డిఫెన్స్‌ అలాగే ఉమ్‌ అల్‌ ఖువైన్‌ సివిల్‌ డిఫెన్స్‌ సంయుక్తంగా చేపట్టిన ఈ రెస్క్యూ ఆపరేషన్‌ సక్సెస్‌ అయ్యింది. ఓ వేర్‌ హౌస్‌లో ఫ్లేమబుల్‌ మెటీరియల్‌ కారణంగా ఈ అగ్ని ప్రమాదం చోటు చేసుకున్నట్లు ప్రాథమికంగా గుర్తించారు.