మనామా: ఇండియన్‌ తెలుగు కమ్యూనిటీ, మెగా ఎంటర్‌టైన్‌మెంట్‌ కోసం ఎదురుచూస్తోంది. తుబ్లిలోని ఆసియన్‌ స్కూల్‌ ఆడిటోరియంలో శుక్రవారం మెగా ఈవెంట్‌ జరగబోతోంది. సయ్యాట పేరుతో జరగనున్న ఈ కల్చరల్‌ షోని తెలుగు కళా సమితి (టికెఎస్‌) - బ్రహెయిన్‌ నిర్వహిస్తోంది. ఔట్‌ ఆఫ్‌ ది బాక్స్‌ సహకారం అందిస్తోంది. 3000 మందికి పైగా ఈ ఈవెంట్‌కి హాజరవుతారని అంచనా వేస్తున్నారు. నటులు, సింగర్స్‌, కమెడియన్స్‌ సహా తెలుగు సినీ, టీవీ ఇండస్ట్రీస్‌కి చెందిన ప్రముఖులు హాజరయి, లైవ్‌గా పెర్ఫామెన్స్‌లు ఇవ్వనున్నారు. బిగ్‌బాస్‌ తెలుగు సీజన్‌ వన్‌ కంటెస్టెంట్‌, అలాగే పలు సినిమాల్లో నటించిన హరితేజ, సురేష్‌ వర్మతో కలిసి పెర్ఫామెన్స్‌ ఇవ్వనున్నారు. ఢీ ఫేం శాంతి తివారీ గ్రూప్‌, గెటప్‌ శ్రీను - రామ్‌ ప్రసాద్‌ స్కిట్స్‌ ఇంకా చాలా ఆకర్షణలు ఈ ఈవెంట్‌లో కనిపిస్తాయని గౌరవ అధ్యక్షుడు గోపాల్‌ రెడ్డి చెప్పారు. ఈ కార్యక్రమం ద్వారా ఫండ్స్‌ సేకరించి, నీడీ వర్కర్స్‌కి అందివ్వడం, ఛారిటీ కార్యక్రమాల కోసం వినియోగిస్తామని ఆయన వివరించారు.