అక్కినేని నాగార్జున-బాలకృష్ణకు మధ్య ఉన్న విభేదాల కారణంగానే అక్కినేని పేరిట ఉన్న నంది అవార్డును తీసేశారని సినీ నటుడు, చిత్ర నిర్మాత బండ్లగణేష్ ఆరోపించారు. 2014 నుంచి తొలగించిన 'అక్కినేని ఉత్తమ కుటుంబ కథా చిత్రం' అవార్డును మళ్లీ ప్రవేశపెట్టాలని ఆయన డిమాండ్ చేశారు. ఏపీ ప్రభుత్వం తాజాగా ప్రకటించిన నంది అవార్డులపై టీవీ9 బిగ్ డిబేట్ లో అక్కినేని అవార్డు అంశం హాట్ టాపిక్ అయింది. తెలుగు చిత్ర సీమకు రెండు కళ్లలో ఒకటైన ఎఎన్నార్ చివరి సినిమా.. బ్లాక్ బస్టర్ హిట్ అయిన 'మనం' మూవీకి అవార్డు ఇవ్వకపోవడమంటే మనమంతా సిగ్గుతో తలదించుకోవాలి అంటూ గణేష్ వ్యాఖ్యానించారు.