సౌదీ కింగ్‌డమ్‌లోని పలు గవర్నరేట్స్‌ పరిధిలో భారీ వర్షాలు కురుస్తుండడంతో స్కూళ్ళు, యూనివర్సిటీలను తాత్కాలికంగా మూసివేస్తున్నట్లు అధికారులు ప్రకటించారు. సౌదీ ప్రెస్‌ ఏజెన్సీ రిపోర్ట్స్‌ని బట్టి చూస్తే, యాన్బు గవర్నరేట్‌ పరిధిలోని స్కూళ్ళను పూర్తిగా మూసివేయాల్సిందిగా ఆదేశించినట్లు తెలియవస్తోంది. వాతావరణ పరిస్థితులు భీతావహంగా ఉండటంతో, విద్యార్థుల భద్రత నేపథ్యంలో ఈ చర్యలు తీసుకున్నారు. మక్కా, జెడ్డాలలోని తైఫ్‌, ఉమ్‌ అల్‌ కురా బ్రాంచ్‌లు మూసివేశారు. మక్కా, జెడ్డా, కులైస్‌, రబిగ్‌ గవర్నరేట్‌ పరిధిలోని స్కూళ్ళు కూడా మూసివేయడం జరిగింది. వాతావరణ శాఖ హెచ్చరికల ప్రకారం మరింతగా భారీ వర్షాలు ఆయా ప్రాంతాల్లో కురిసే అవకాశం ఉంది. పరిస్థితిని ఎప్పటికప్పుడు పరిశీలిస్తున్నామనీ, తగిన జాగ్రత్తలు తీసుకుంటున్నామని అధికారులు వెల్లడించారు.