అజ్మన్‌: అజ్మన్‌ పోలీసులు, ఇద్దరు ఆఫ్రికన్లను అరెస్ట్‌ చేశారు. ఓ కారులోంచి 450,000 దిర్హామ్‌లు దొంగిలించారు నిందితులు. అజ్మన్‌ ఇండస్ట్రియల్‌ ఏరియా ప్రాంతంలో తన కారుని నిలిపిన జిసిసి జాతీయుడు, షాప్‌లోకి వెళ్ళగా, అదనుచూసి దొంగలు, అందులోంచి పెద్ద మొత్తంలో నగుదను కాజేశారు. బాధితుడు క్రిమినల్‌ ఇన్వెస్టిగేషన్‌ డిపార్ట్‌మెంట్‌ (సిఐడి)కి ఫిర్యాదు చేశారు. కారు ముందున్న అద్దాన్ని పగలగొట్టి, నిందితులు దొంగతనం చేసినట్లు ఫిర్యాదులు పేర్కొన్నారు బాధితుడు. ఫిర్యాదు అందుకోగానే, సీఐడీ రంగంలోకి దిగి, నిందితుల్ని పట్టుకున్నారు. విచారణలో నిందితులు, దొంగతనాన్ని అంగీకరించారు. పోలీసులు, పోయిన సొమ్ముని తిరిగి బాధితుడికి అప్పగించేందుకు ప్రయత్నిస్తున్నారు. విలువైన వస్తువులు, డబ్బుని కార్లలో కన్పించేలా ఉంచరాదని పోలీసులు, వాహనదారులకు సూచించారు.