డిసెంబర్‌ 2వ తేదీన నేషనల్‌ డే సెలబ్రేషన్స్‌లో భాగంగా, మోటరిస్టులు తమ వాహనాల్ని ప్రత్యేకంగా డెకరేట్‌ చేసుకునేందుకు ఆసక్తి చూపుతున్నారు. ఈ నేపథ్యంలో నవంబర్‌ 22 నుంచి డిసెంబర్‌ 6 వరకు కొన్ని ప్రత్యేక నిబంధనలు రూపొందించి, వాహనాల డెకరేషన్‌కి అనుమతిచ్చారు పోలీసులు. వాహనం తాలూకు సన్‌ రూఫ్‌ మరియు, విండోస్‌ని ఏమాత్రం కవర్‌ చేసేలా డెకరేషన్స్‌ ఉండకూడదు. అలాగే పరిమితికి మించి వాహనాల్లో జనాన్ని ఎక్కించకూడదు. డ్రిఫ్టింగ్‌ చేయకూడదు, ట్రాఫిక్‌కి ఇబ&ందులు కలిగించకూడదు. రోడ్లపై నడిచేవారు వాహనాలపై పెయింట్‌ని స్ప్రే చెయ్యకూడదు. ఇలా కొన్ని నిబంధనల్ని విధించామనీ, వీటిని తప్పనిసరిగా ప్రతి ఒక్కరూ పాటించాలని ట్రాఫిక్‌ అండ్‌ పెట్రోల్స్‌ డైరెక్టరేట్‌ బ్రిగేడియర్‌ ఖలీఫా అల్‌ ఖైలి చెప్పారు. నేషనల్‌ డే వేడుకల్ని అంగరంగ వైభవంగా జరుపుకోవాల్సి ఉందనీ, ఈ క్రమంలో ప్రతి ఒక్కరూ పోలీసులకు సహకరించాలని ఆయన విజ్ఞప్తి చేశారు.