అందరూ మహా 'ముదుర్లే'..! బట్.. థర్టీ ఇయర్స్ నాట్ ఇన్ ఇండస్ట్రీ! ఎనభయ్యవ దశకంలో దక్షిణాది సినీ ప్రపంచాన్ని ఒక ఊపు ఊపిన తారలంతా ఒక్క చోట చేరితే.. అదొక అరుదైన సందర్భం. అక్కడదే జరిగింది. వెటరన్ స్టార్స్ అందరూ పర్పుల్ కలర్ డ్రెస్ కోడ్ తో ఒక కుటుంబంలా కలిసిపోయారు. మహాబలిపురంలోని ఇంటర్ కాంటినెంటల్ రిసార్ట్స్ లో కలిసి సందడి చేసుకున్నారు. రెండురోజుల పాటు అక్కడే మకాం వేసి ఆటపాటల్లో మునిగితేలారు.. అలనాటి సినిమా ముచ్చట్లను గుర్తు చేసుకున్నారు. షూటింగ్ సమయాల్లో తాము చేసిన అల్లర్ల తాలూకు జ్ఞాపకాలను నెమరు వేసుకుని మైమరచిపోయారు. నవంబర్ 17 ఉదయం నుంచి 18 అర్థరాత్రి వరకూ వాళ్లందరికీ అదొక పెద్దపండగ. ఆ గ్రూప్ ఫోటో ఇప్పుడు సోషల్ మీడియాను దున్నేస్తోంది.