న్యూదిల్లీ: ప్రపంచ అత్యంత వేగవంతమైన సూపర్‌ సోనిక్‌ క్రూయిజ్‌ క్షిపణి బ్రహ్మోస్‌ పరీక్ష విజయవంతమైంది. భారత వాయుసేన(ఐఏఎఫ్‌)కు చెందిన సుఖోయ్‌-30ఎంకేఐ విమానం నుంచి తొలిసారిగా దీన్ని ప్రయోగించినట్లు రక్షణ మంత్రిత్వశాఖ తెలిపింది. రెండు దశల్లో చేపట్టిన ఈ ప్రయోగంలో బంగాళాఖాతంలోని లక్ష్యాన్ని క్షిపణి విజయవంతంగా ఛేదించిందని పేర్కొంది.
ఈ ప్రయోగంతో 2.5 టన్నుల బరువున్న ఈ క్షిపణిని భూమి, ఆకాశం, సముద్రం నుంచి ప్రయోగించవచ్చని నిరూపితమైందని రక్షణ మంత్రిత్వ శాఖ తెలిపింది. 3,200 కిలోమీటర్ల దూరంలో ఉన్న లక్ష్యాలను ఇది చేరుకోగలదని పేర్కొంది. దీని వల్ల వాయుసేన సామర్థ్యం మరింత పెరుగుతుందని అధికార వర్గాలు తెలిపాయి. క్షిపణి ప్రయోగం విజయంతం పట్ల రక్షణ మంత్రి నిర్మలా సీతారామన్‌ హర్షం వ్యక్తంచేశారు. డీఆర్‌డీవో శాస్త్రవేత్తలను అభినందించారు.