టోక్యో: అమెరికా నేవీకి చెందిన ఓ విమానం ప్రమాదానికి గురైంది. 11 మంది సిబ్బందితో వెళ్తున్న నేవీ విమానం జపాన్‌లోని ఒకినావా సమీపంలో పసిఫిక్‌ మహాసముద్రంలో కుప్పకూలిపోయింది. ప్రమాదాన్ని అమెరికా నేవీ ధ్రువీకరించింది. జపాన్‌ కాలమానం ప్రకారం మధ్యాహ్నం 2.45 గంటలకు ఈ ప్రమాదం జరిగినట్లు తెలుస్తోంది. సమాచారమందుకున్న యూఎస్‌ఎస్‌ రొనాల్డ్‌ రీగాన్‌ సిబ్బంది సహాయక చర్యలు చేపట్టారు. సిబ్బంది కోసం సముద్రంలో గాలింపు చేపట్టారు. ఘటనపై పూర్తి వివరాలు తెలియాల్సి ఉంది.