డైనమిక్ హీరో నందమూరి కళ్యాణ్, తమన్నా హీరోహీరోయిన్లుగా, క్యూబ్ సినిమాస్ రూపకర్త జయేంద్ర దర్శకత్వంలో రూపుదిద్దుకుంటున్న చిత్రం మొదటి షెడ్యూల్‌ని పూర్తి చేసుకుంది. ఇంకా పేరు పెట్టని ఈ చిత్రాన్ని నందమూరి కళ్యాణ్‌రామ్ 15వ చిత్రంగా పిలుచుకుంటున్నారు.

మొదటి షెడ్యూల్‌లో ఓ రొమాంటిక్ సాంగ్‌ని కళ్యాణ్‌రామ్, తమన్నాల మధ్య చిత్రీకరించినట్లుగా చిత్రయూనిట్ తెలిపింది. ఈ సాంగ్‌కి సంబంధించిన ఓ స్టిల్‌ని విడుదల చేసి నందమూరి అభిమానులను సర్‌ప్రైజ్ చేశారు. ఈ పాటని బృంద మాస్టార్ కంపోజ్ చేయగా, మ్యాజికల్ సినిమాటోగ్రాఫర్ పీసీ శ్రీరామ్ అద్భుతంగా చిత్రీకరించినట్లుగా ఈ స్టిల్ చెప్పేస్తుంది. ఈ చిత్రానికి సంబంధించిన నెక్ట్స్ షెడ్యూల్ డిశంబర్‌లో మొదలై ఏకధాటిగా జనవరి చివరి వరకు జరుగుతుందని చిత్ర యూనిట్ తెలిపింది.