టాలీవుడ్ లో చిరంజీవి, రాజశేఖర్ ల మధ్య అభిప్రాయబేధాలు ఏర్పడి... కొన్నేళ్ళ పాటు అలా కొనసాగిన మాట వాస్తవం. కాగా ఇటీవల రాజశేఖర్ రగుడవేగ సినిమా రిలేజ్ సందర్భంగా చిరంజీవిని రాజశేఖర్ దంపతులు కలుసుకొని సినిమా చూడడానికి ఆహ్వానించడంతో వీరిద్దరి మధ్య ఉన్న అభిప్రాయబేధాలు తొలగిపోయాయి అని అందరూ భావిస్తున్నారు. ఇదే విషయం పై రాజశేఖర్ స్పందిస్తూ... తామిద్దరం కొత్తగా కలుసుకొన్నది ఏమీ లేదని.. తమ మధ్య ఎప్పుడో అభిప్రాయబేధాలు తొలగిపోయి.. స్నేహసంబంధాలు నెలకొన్నాయని రాజశేఖర్ తెలిపాడు. ఇటీవల రాజశేఖర్ ఇంటర్వ్యూలో మాట్లాడుతూ... గతంలో తన కూతురు మెడికల్ సీటు కోసం తాను చిరంజీవి ఇంటికి వెళ్ళినట్లు తెలిపాడు. చిరంజీవి గారితో విబేధాలు వచ్చాక కొంత కాలం దూరంగా ఉన్నాము.. కానీ అప్పుడప్పుడు పబ్లిక్ ఫంక్షన్లో కలుస్తూనే ఉన్నాము. మేము సైతం వంటి ఫంక్షంలో కలిశాం... మా అమ్మాయి శివానికి మెడికల్ సీటు కోసం అపోలో మెడికల్ కాలేజీ లో ధరఖాస్తు చేశాం. ఈ విషయంపై జీవిత చిరంజీవి గారి ఇంటికి వెళ్లింది. జీవిత వెళ్ళగానే చిరంజీవి గారు నా గురించి అడిగారాట.. వెంటనే జీవిత నాకు ఫోన్ చేసి రమ్మనమని చెప్పింది. కానీ అప్పటికి నేను రెడీగా లేను.. దీంతో జీవిత వెనక్కి వచ్చి.. నన్ను చిరంజీవి గారి ఇంటికి తీసుకొని వెళ్లింది. చిరంజీవి గారు చాలా బాగా మాట్లాడారు.. శివాని సీటుకు అవసరమైన సాయం కూడా చేశారు. అప్పటి నుంచి మా మధ్య ఉన్న అభిప్రాయ బేధాలు తొలగి.. మరింత దగ్గర అయ్యాం.. అంతేకాదు.. గరుడ వేగ సినిమా సమయంలో కూడా చాలా సాయం అందించారు చిరంజీవి అని రాజశేకఃర్ తెలిపాడు. కాగా ఇప్పటికే రాజశేఖర్ తాను విలన్ పాత్రలకు అయినా ఒకే.. అని.. చిరంజీవి సినిమాలో విలన్ గా నటిస్తా అని ప్రకటించిన నేపద్యంలో త్వరలో మళ్ళీ రాజశేఖర్ వెండి తెరపై బిజీ అవుతాడేమో చూడాలి మరి.!!