సినిమా ఇండస్ట్రీలో విశ్వనటుడిగా పేరు తెచ్చుకున్న కమల్ హాసన్ ఈ మద్య రాజకీయ రంగంలోకి ప్రవేశిస్తున్న విషయం తెలిసిందే. ఇప్పటికే ఆయన కొత్త పార్టీ పెడతానని అనౌన్స్ కూడా చేశారు. వాస్తవానికి కొత్త పార్టీ ఆయన పుట్టిన రోజునే ప్రారంభించాల్సి ఉన్నా కొన్ని కారణాల వల్ల వాయిదా వేశారు. ప్రస్తుతం సోషల్ మీడియాలో రాజకీయాలపై హాట్ టాపిక్ మారిన కమల్ హాసన్ తాజాగా మరోసారి వార్తల్లోకి ఎక్కారు.

ఈ మద్య అభిమానులకు చేరువ అయ్యే విధంగా ఎన్నో కార్యక్రమాల్లో అభిమానులే దేవుళ్లంటూ ఊదరగొడుతున్న కమల్ హాసన్ ఓ అభిమాని చెంప చెల్లుమనిపించడంతో అందరూ ఆశ్చర్యపోయారు. సాధారణంగా ఫ్యాన్స్ అనగానే తమ అభిమాన హీరోని కలవాలని ఎంతో ఉత్సాహ పడుతుంటారు..కానీ ఆ సమయంలో వారు స్పందించే తీరు మాత్రం చాలా కఠినంగా ఉంటుంది.

తాజాగా ఓ అభిమానిపై కమల్ హాసన్ చేయి చేసుకున్న వీడియో వైరల్ అవుతోంది. ఇందులో తనకు షేక్ హ్యాండ్ ఇచ్చేందుకు వచ్చిన అభిమానిని కమల్ హాసన్ ఆవేశంతో బలంగా తోసేసినట్లు ఉంది. అభిమానిపై కమల్ హాసన్ వ్యవహరించిన తీరు పట్ల సోషల్ మీడియాలో నెటిజన్లు మండిపడుతున్నారు. అయితే తమిళ సూపర్ స్టార్ రజినీకాంత్ తన అభిమానులను ఎంతో ఆప్యాయంగా మందలిస్తుంటారు..ఇదే విషయాన్ని నెటిజన్లు వివరిస్తూ..రజనీ కాంత్, కమల్ హాసన్ మధ్య తేడా ఇదేనంటూ అంటున్నారు.