అబుదాబీ:అబుదాబీ డిపార్ట్‌మెంట్‌ ఆఫ్‌ ట్రాన్స్‌పోర్ట్‌ (డిఓటి), షేక్‌ జాయెద్‌ గ్రాండ్‌ వైపుగా రోడ్డుని రెండు డైరెక్షన్లలోనూ గురువారం మూసివేస్తున్నట్లు ప్రకటించింది. ట్విట్టర్‌ ద్వారా ఈ విషయాన్ని వెల్లడించారు అధికారులు. షేక్‌ రషీద్‌ బిన్‌ సయీద్‌ స్ట్రీట్‌, అలాగే అల్‌ ఖలీజ్‌ అల్‌ అరబి రోడ్‌ మధ్యాహ్నం 3 గంటల నుంచి సాయంత్రం 6 గంటల వరకు మూసివేయబడుతుంది. షేక్‌ రషీద్‌ బిన్‌ సయీద్‌ స్ట్రీట్‌, అలాగే షేక్‌ జాయెద్‌ బిన్‌ సుల్తాన్‌ స్ట్రీట్‌, అల్‌ ఖలీజ్‌ అల్‌ అరబి రోడ్‌పై వర్కర్స్‌ని ట్రాన్స్‌పోర్ట్‌ చేసే బస్సులు, ట్రక్స్‌లను అనుమతించరు. సెలవుల నేపథ్యంలో వాహనదారులు తమ వాహనాల్ని జాగ్రత్తగా నడపాలని అధికారులు సూచించారు.