ఏపీ సీఎం చంద్రబాబు దక్షిణ కొరియా చేరుకున్నారు. మూడు రోజుల పర్యటనలో భాగంగా ఆయన సియోల్, బుసాన్ నగరాలను సందర్శించనున్నారు. రాష్ట్రానికి పెట్టుబడులు ఆకర్షించడంతో బాటు కియ కార్ల కంపెనీతో ఒప్పందమే ఈ టూర్ లక్ష్యం.
ఆదివారం మధ్యాహ్నం ఒంటిగంటకు హైదరాబాద్ నుంచి బయలుదేరిన సీఎం బృందం అర్ధరాత్రి దాటాక 2.20 గంటలకు సియోల్ చేరుకుంది. మంగళ, బుధ వారాల్లో చంద్రబాబు బృందం కియ మోటార్స్ ప్రధాన కార్యాలయాన్ని సందర్శిస్తుంది. అక్కడ జరిగే బిజినెస్ సెమినార్ లో పాల్గొంటుందని, ఈ నెల 7 న తిరిగి వస్తుందని ప్రభుత్వ వర్గాలు తెలిపాయి.