టోక్యోలోని ప్రముఖ ఆరాధనా స్థలంలో జరిగిన కత్తిపోట్లలో ప్రధాన పూజారితో సహా ముగ్గురు మరణించారని పోలీసులు తెలిపారు. సమురారు కత్తితో ఆమె సోదరుడే దాడి చేసినట్లు కనిపిస్తోందని ఆ తర్వాత ఆ సోదరుడు కూడా ఆత్మహత్య చేసుకున్నాడని పోలీసులు తెలిపారు. ఈ దాడిలో పూజారి వెంట వుంటే మహిళా సహాయకురాలు కూడా మరణించారు. డ్రైవర్‌ గాయపడ్డాడని టోక్యో మెట్రోపాలిటన్‌ పోలీసులు తెలిపారు. ఈ కత్తిపోట్లకు గల కారణాలు ఏంటో తెలియరాలేదు. బహుశా పూజారికి, ఆమె సోదరుడికి మధ్య ఘర్షణ జరిగి వుంటందని పేర్కొంటున్నారు. గురురవారం రాత్రి నగకో టమియోకా(58) తన కారు నుండి బయటకు వస్తుండగా ఈ దాడి జరిగిందని పోలీసులు తెలిపారు. సాధారణంగా జపాన్‌ పూజారులు ఆరాధనా స్థలానికి లేదా ఆలయాలకు చెందిన భూముల్లోనే నివసిస్తారు. పూజారి సోదరుడు షినెగ టమియోకా (56) ఆయనతో వచ్చిన మరో అనుచరుడు కలిసి ఆమె ఇంటివెనక దాక్కుని కత్తిపోట్లకు పాల్పడ్డారని పోలీసులు చెప్పారు. సంఘటనా స్థలంలో కత్తి మరకలతో వున్న కత్తి ఒకటి, రెండు చిన్న కత్తులు కనిపించాయిన పోలీసులు చెప్పారు.