నిఖిల్- సంయుక్త హెగ్డే- సిమ్రన్ పరీన్జా కాంబోలో రానున్న మూవీ 'కిర్రాక్ పార్టీ'. కన్నడలో హిట్టయిన 'కిరిక్ పార్టీ'కి ఇది రీమేక్. చాలాకాలం తర్వాత కాలేజీ బ్యాక్‌డ్రాప్‌లో నిఖిల్ చేస్తున్న మూవీ. ఫిబ్రవరి 9న దీన్ని రిలీజ్ చేయాలన్నది మేకర్స్ ఆలోచన. షూటింగ్ దాదాపుగా పూర్తికావడంతో పోస్ట్ ప్రొడక్షన్స్ పనులు వేగంగా జరుగుతున్నాయి.
నిఖిల్‌తో 'స్వామి రారా' తీసిన సుధీర్‌వర్మ దీనికి స్క్రీన్ ప్లే అందించగా, డైలాగ్స్‌ని 'కార్తికేయ'దర్శకుడు చందూ మొండేటి రాయడం మరో హైలైట్. కొత్త దర్శకులతో సినిమాలు చేసే నిఖిల్... ఈసారి శరన్ కొప్పిశెట్టితో తన అదృష్టాన్ని పరీక్షించుకుంటున్నాడు.