డైరెక్టర్ శేఖర్ కమ్ముల.. హీరో విజయ్ దేవరకొండ లైమ్‌లైట్‌లోకి వచ్చేశారు. 'ఫిదా'తో యూత్, ఫ్యామిలీ ఆడియన్స్ నుంచి మంచి మార్కులు కొట్టేశాడు శేఖర్. దీంతో ఆయన నెక్ట్స్ మూవీ ఏంటి? అన్నదానిపై ఫిల్మ్ సర్కిల్స్‌లో రకరకాల వార్తలు హంగామా చేస్తున్నాయి. ఈ క్రమంలో తాజాగా ఓ వార్త బయటికి వచ్చింది. రీసెంట్‌గా విజయ్ దేవరకొండని కలిసి స్టోరీ లైన్ వినిపించాడట డైరెక్టర్ శేఖర్ కమ్ముల. అది హీరోకి నచ్చడంతో స్టోరీని డెవలప్ చేసే పనిలోపడ్డాడు ఆయన. దీనికి ప్రొడ్యూసర్ ఎవరనేది ఆసక్తికరంగా మారింది.

ఫిదా సమయంలో దిల్‌రాజు బ్యానర్‌లో మరో మూవీ చేస్తానని శేఖర్ మాట ఇచ్చాడు. ఈ లెక్కన విజయ్‌- శేఖర్ కాంబో.. రాజు బ్యానర్‌లో వచ్చినా ఆశ్చర్యపోనక్కర్లేదని అంటున్నారు. మొత్తానికి ఓకే అయితే ఈనెల నాటికి ఓ స్టేట్‌మెంట్ వచ్చే అవకాశముంది. ప్రస్తుతం విజయ్ ఆల్రెడీ పరశురామ్‌తో ఓ ఫిల్మ్ చేస్తున్నాడు.

క్రాంతిమాధవ్, నందినీరెడ్డి, రాహుల్ దర్శకత్వంలో వరుస సినిమాలు చేయనున్నాడు.